ILOILO CITY — Iduso sa gihapon ang pagpatuman sang physical sports sa Iloilo City sa tion nga mapaidalum sa alert level 2 status ang syudad.
Sa interview sang Radyo Bandera Iloilo kay Mr. Rudiver Junco Sr., Executive Assistant for Youth and Sports sang Iloilo City Government ginpahayag sini nga kasunod sang pagtaas sang kaso sang COVID-19 sa syudad kag pagpaidalum sa alert level 3 status temporaryo nga ginsuspende ang mga scheduled sports events para sa selebrasyon sang Dinagyang.
Sunu sa natungdan ginapanan-aw nga dayunon ang nasambit nga mga sports events sa palaabuton nga Paraw Regatta Festival subong nga bulan.
Dugang pa niya sa subong bangud nga yara pa sa gihapon sa idalum sang alert level 3 ang Iloilo City ginalikawan anay ang pagpatigayon sang physical contact sports.
