Monday, August 8, 2022

CPP-NPA nagahina na ang pwersa suno sa PRO-VI

- Advertisement -

ILOILO CITY— Nagahina na ang pwersa sang Communist Party of the Philippines- New People’s Army (CPP-NPA).

Ini ang ginkumpirmar ni PLt. Col. Arnel Solis, spokesperson sang Police Regional Office (PRO)-VI sa interview ni Kabanderang John Sapio sa programa nga 11 MBPS.

Ginpahayag sini nga nagahina na  ang pwersa sang nasambit nga grupo bangud ang pila nila ka kaupdanan ang nagbalik sabak na sa gobyerno kag ang iban naman ang napatay sa engkwentro.

- Advertisement -

Suno kay Solis, may yara pa sang nabilin  nga miyembro sang makawala apang padayon ini nga gina-monitor sang otoridad.

Pahandumdom pa niya, apisar nga nagaluya na ang  CPP-NPA wala sila gihapon nagapakampante.

Dugang pa ni Solis, kun wala na sang suporta ang  nasambit nga grupo madulaan na ini sila sang pagkaon kag iban nga resources nga magaresulta sa pagsungka sa gobyerno.

- Advertisement -

Ginpakigbahin pa sini nga madamo ang nagabalik kag sila ang maka-testify nga matuod ang programa sang gobyerno para sa ila.

Nagpasalamat si Solis sa suporta sang komunidad nga amo ang nagahatag sang impormasyon  angut sa CPP-NPA.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles