Monday, August 15, 2022

Crime Volume sa probinsya sang Iloilo sa sulod sang pito ka bulan, nagnubo

- Advertisement -

ILOILO – Nagnubo ang crime volume nga narekord sang Iloilo Police Provincial Office sa sulod sang pito ka bulan sini nga tuig 2022.

Sa data sang IPPO, 3,434 crime incidents ang narekord humalin sang Enero tubtob Hulyo kag may pagnubo ini sang 204 incidents kumparar sang tinalikdan nga tuig sa kaangay man nga period.

Ang focus crime (Murder, homicide, PI, rape, robbery, theft, carnapping MV, carnapping MC) ang nagnubo sa masobra 18% sa diin 403 incidents ang narekord sang tinalikdan nga tuig 2021 kag 330 incidents lang ang narekord subong nga tuig 2022.

- Advertisement -

Apang, may pagsaka naman sa crimes against property (Burglary, motor vehicle theft, theft, arson, vandalism and shoplifting) sa diin 66 incidents ang narekord sang tinalikdan nga tuig kag sa subong nagsaka ini sa 74 incidents.

Samtang, 2,093 naman ang narekord nga vehicular accidents subong nga tuig nga may 74 nga nagkalamatay sa diin mataas ini kumparar sa 2,001 nga rekord sang tuig 2021 nga may 72 naman ka persona nga nabawian sang kabuhi.

Suno naman kay IPPO Director, Police Colonel Adrian Acollador, ang intensified police presence kag mobilization sang force multipliers bilang major factors ang rason sa pagnubo sang crime statistics sa probinsya sang Iloilo.

- Advertisement -

Apang ginpahanumduman ni Acollador ang publiko nga may halong kag mangin aligmat, kag dapat naman nga ipabilin sang mga police commanders ang ila visibility sa mga crime prone areas kag pabaskugon ang intelligence agud matapna ang krimen sa probinsya.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles