Handa nga magbulig ang Iloilo City Social Welfare and Development Office (CSWDO) sa pamilya ni alyas Toto ang lalaki nga nag-hostage sa iya iloy sa Barangay Progreso Lapuz kahapon nga adlaw.
Sa interview sang Radyo Bandera Iloilo kay CSWDO Head Teresa Gelogo, iya ginpahayag nga mapatigayon sila sang assessment kag validation sa pamilya agud nga mahatagan sang bulig sang Iloilo City Government.
Suno kay Gelogo kahapon gintawgan ang ila nga opisina agud nga i-assist ang mag-iloy matapos nga napilasan kasunod sang insidente, apang pag-abot sang CSWDO personnel sa ospital nakaguwa na ang mga ini.
Dugang pa sang natungdan handa man nga mag-recommend ang CSWDO sang caounseling sa isa ka psychiatrist ang miyembro sang pamilya tion nga na-trauma ang mga ini.
