Monday, August 8, 2022

CSWDO naghatag na sang bulig sa apat ka mga barangay nga naapektuhan sang asud-asud nga sunog nga nagluntad sa syudad

- Advertisement -

ILOILO CITY— Naghatag na sang bulig ang City Social Welfare and Development Office (CSWDO) sa apat ka barangay nga naapektuhan sang asud-asud nga sunog nga nagluntad sa syudad kahapon kag kaina sang kaagahon.

Sa exclusive interview ni Kabanderang Rey Umalay kay Teresa Gelogo, CSWDO head sang syudad sang Iloilo sa programa Foro de los Pueblos, ginpahayag sini nga naghatag ang opisina sang pagkaon sa sulod sang 15-days ini ang ginalakipan sang tig-isa ka sako nga bugas kag 30 canned goods para sa mga naapektuhan sang sunog sa Brgy. General Hughes kahapon sang ugto.

Suno pa kay Gelogo, nagserbe nga evacuation center ang Colegio del Sagrado Corazon de Jesus kag padayon nagapibilin ang mga evacuees samtang wala pa nakay-o ang ila mga kabalayan.

- Advertisement -

Dugang pa ni Gelogo, naglab-ot sa 21 ka panimalay ang naapektuhan sang sunog sa General Hughes sa din 11 ang totally damaged kag 6 ang partially damaged.

Nagdangat sa 21 ka pamilya kag 76 ka indibidwal ang naapektuhan.

Nahibaluan nga partially damaged man ang barangay hall kag evacuation center sang nasambit nga barangay.

- Advertisement -

Samtang ginpakigbahin man ni Gelogo nga nahatagan na sang bulig ang nasunugan sa Brgy. Sta. Cruz, Arevalo kag Burgos, La Paz kahapon pati na ang nasunog nga balay kaina sang kaagahon sa Sta. Rosa, Tagbak, Jaro.

Magapadayon pa nga magabulig ang opisina sa mga biktima sang nagluntad nga sunog sa syudad sang Iloilo.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles