DA 6, may panugyan sa publiko may kaangtanan sa pagbakal sang baboy sa merkado nga posible infected sang ASF

ILOILO CITY — Nagpahanumdom ang Department of Agriculture (DA) Western Visayas nga mangin maid-id kag mahinalungon sa pagbakal sang karne sang baboy ilabi na sa mga wet markets nga posible infected sang African Swine Fever (ASF).

Suno sa ahensya, lakip sa tsekyaron amu ang mga ginabaligya sa mga meatshops kag online shops.

Nagpanugyan man ang DA 6 nga usisaon ang hitsura sang karne kag siguraduhon nga may Meat Inspection Certificate ang stall nga pagabaklan.

Nahibaluan nga indi man makahalalit sa tawo ang ASF apang mahimo mangin carrier sang sakit sa iban pa nga buhi nga baboy ang makakaon sini.