ILOILO CITY — Ginpasigurado sang Department of Agriculture Region VI nga bastante ang suplay sang itlog sa Western Visayas apisar may pagpanghangkat sang Avian Flu sa pungsod.
Sa interview sang Radyo Bandera Iloilo kay Engr. Remelyn Recoter, Regional Director sang Department of Agriculture Region VI, ginpahayag sini nga kaupod ang Provincial Government, hugot nga ginapatuman ang mga preventive measures agud ma-secure ang mga entry point sang mga avian species sa rehiyon.
Dugang pa sini, apisar manubo ang mga registered poultry farmers apang madamo man sang mga small time ukon backyard growers nga sarang maka-suplay sa tagsa ka lokalidad.
Suno kay Recoter, mas maayo kun suportaran sang pumuluyo ang mga local farmers agud mapasanyog ang agrikultura kag local economy.
