DA-VI, padayon ang validation sang mga qualified corn farmer nga makabaton sang fuel subsidy

ILOILO CITY— Padayon ang validation sang Department of Agriculture (DA)-VI sa mga qualified corn farmers nga makabaton sang fuel Subsidies nagikan sa gobyerno.

Ini ang ginkumpirmar ni Reynaldo Genine, Agriculturist II sang Department of Agriculture (DA)-VI sa interview sang Radyo Bandera Iloilo.

Ginpahayag sini nga makabaton sang tig P3,000 nga balor sang fuel Subsidy ang mga corn farmer.

Madumduman nga sang tinalikdan nga semana gin-aprobahan na sang national government ang pondo para sa mga corn farmer kag fisher folks.

Dako gid ang mabulig sang ini nga programa ilabi na nga padayon nga nagasaka ang petroleum products.