Saturday, August 20, 2022

Daan nga hiligut-anon rason sa pagtiro-patay sang gina-alegar anay kerido sang asawa sang biktima sa Pototan, Iloilo

- Advertisement -

ILOILO CITY — Daan nga hiligut-anon ang ginalantaw nga rason sang Pototan Municipal Police Station sa pagtiro-patay sang gina-alegar anay kerido sang asawa sang biktima sa Barangay Dawis, Pototan, Iloilo kagab-i, Mayo 17.

Sa interview sang Radyo Bandera Iloilo kay PSSgt. Raffy Gonzales, imbestigador sang Pototan MPS, ginpahayag sini nga ang biktima amo si Danny Asuelo, 44-anyos kag isa ka mangunguma, samtang ang suspetsado naman amo si Leo Sapelino, 47-anyos kag residente sang Barangay Jamabalud, Pototan, Iloilo.

Suno kay Gonzales, takna alas-7:30 kagab-i, samtang nagalantaw ang biktima sang TV kaupod ang iya bata nga menor-de-edad, hinali lang nga nagtinaghol ang ido rason nga ginlantaw niya ini.

- Advertisement -

Apang, gilayon naman nga may naglupok kag nakita nalang sang bata sang biktima nga nagahuray-ad na si Asuelo sa ila nga pwertahan kag may igo sang bala sa liog.

Gilayon man ini nga gindala sa Iloilo Provincial Hospital apang gindeklarar nga dead-on-arrival.

Sandig sa imbestigasyon sang kapulisan, may daan na sila nga hiligut-anon bangud nga nadakpan sang biktima sadtong 2019 nga may relasyon kag naabtan niya sa ila balay nga nagapakighilawas ang iya asawa sa suspek rason nga ginmartilyo sadto sa ulo ni Asuelo si Sapelino.

- Advertisement -

Sa karun, padayon ang hot pursuit operation sang kapulisan agud sa suspek agud mahatagan sang nagakaigo nga disposisyon.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles