Dalan sang Sibukawan sa banwa sang Tubungan, nag-usmod kag indi na maagyan

Indi na maagyan ang dalan sa Barangay Sibukawan sa banwa sang Tubungan matapos nag-usmod las-3:30 kaina sang hapon.

Sa interview sang Radyo Bandera Iloilo kay Tubungan MDRRMO head Fracisco Gallego Jr., may isa ka balay nga nahulog kadungan sa pag-usmod sang duta kag maswerte naman nga wala sang tawo sa sulod.

Suno kay Gallego, base sa iya obserbasyon nga daw kaangay sang sink hole ang naghurma sa duta, apang padayon naman ang ila imbestigasyon sa subong.

May kadalumon naman ini nga 400 feet kag 100×100 meters ang inisyal nga diameter.

Suno naman kay Mryna Cansancio, residente, nga kaina pa sang aga sang ila nakit-an nga may litik ang duta rason nga nag-aligmat ang mga ini kag nangin vigilante.

Nahibaluan nga ang dalan sang Sibukawan ang mayor nga alagyan padulong sa iban nga lugar sa banwa sang Tubungan.