ILOILO CITY — Ginahandaan na sang grupo sang mga public utility jeepney (PUJ) drivers ang ginalauman nga pagbalik sang in-person ukon face-to-face classes.
Nahibaluan nga gin-anunsyo sang Department of Education (DepEd) nga sa Agosto 22, 2022 magasugod ang School Year 2022-2023, samtang sa Nobyembre naman ginalauman nga magabalik sang 100% ang in-person classes.
Sa interview sang Radyo Bandera Iloilo kay Leody Lara, head sang Iloilo City Alliance of Jeepney Owners and Drivers Association (ICAJODA), may yara sang augmentation nga matabo agud maakomodar ang numero sang pasahero ilabi na ang mga estudyante.
Dugang pa sini nga sa karon padayon ang ila nga pagpakig-angot kag sinapol sa iban nga ahensya kag grupo agud mapreparahan ang pagbalik sang face-to-face classes apisar sang ginapangatubang nga COVID-19 pandemic.
