ILOILO CITY- Padayon sa karon ang preparasyon sang Department of Education (DepED) 6 para sa Western Visayas Regional Athletic Association (WVRAA) nga iga-host sang Aklan.
Sa interview sang Radyo Bandera Iloilo kay Mr. Hernani Escullar, Regional Information Officer sang DepED 6, iya ginpahayag nga pagahiwaton ini humalin Abril 26 tubtob Abril 30.
Dugang pa ni Escullar sa tunga-tunga sang Abril magapadulong na ang mga atleta sa nasambit nga probinsya kag ginalakipan naman ini sang Probinsya sang Aklan, Antique, Capiz, Iloilo kag Negros Occidental.
Ginalauman ang ginabanta tatlo ka libo nga delagates lakip na ang ila tagsa ka coach ang magapasakop sa WVRAA.
Dugang pa diri, sa Elementary level, 15 ang igapatigayon nga events , 22 sa Secondary level kag apat ka Paragames events para sa mga Learners With Disabilities (LWD’s) kag duha ka demo sports lakip na diri ang Dance Sports kag Pencak Silat.
Samtang, sa mga measurable sports naman kaangay sang Athletics, Swimming kag Archery ang iga base sa Top 8 best record kag Winner Take All policy naman ang igapatuman sa mga team sports.
