ILOILO CITY— Gin-athag sang Department of Education Western Visayas nga kinahanglan maagi sa assessment ang tanan nga buluthuan antes ang 100% implementation sang face-to-face classes sa rehiyon.
Sa interview sang Radyo Bandera Iloilo kay Hernani Escullar, Regional Information Officer sang DepEd –VI, ginpahayag sini nga dapat sundon sang mga buluthuan ang School Safety Assessment Tool agud madasig ang approval sini.
Suno pa kay Escullar, ginahaylo sang ahensya ang tanan nga Principal School Teacher’s nga magkoordinar sa lokal nga panguluhan agud malikawan ang indi pag-intindihanay sang mga ginikanan kag manunudlo.
Dugang pa niya, isa ini ka pagtilaw nga sa pihak sang nagakalatabo padayon sa gihapon nga naga-render sang serbisyo ang mga kabataan.
