Wednesday, November 30, 2022

DEPED6, gin-athag ang paggamit sang mother tongue sa pagtudlo sang comprehensive sexuality education

- Advertisement -

ILOILO CITY — Ginadiskusyonan sa karon sang nagkalain-lain nga sektor ang suhestiyon sang Commission of Population (POPCOM) 6 ang paggamit sang mother tongue sa pagtudlo sang Comprehensive Sexuality Education.

Sa interview sang Radyo Bandera Iloilo kay Hernani Escullar Jr., Regional Information Officer sang Department of Education (DepEd) 6, ginpahayag sini nga may policy guidelines ang implementasyon sang Comprehensive Sexuality Education sa idalum sang DepEd Order No. 31 Series of 2018.

Dugang pa ni Escullar, napaidalum na sa training ang mga manunudlo angut sa pagtudlo sang nasambit nga topiko kun sa diin ginalakipan sang Human Body and Development, Personhood, Relationships, Sexuality, Sexual Behavior, Sexual and Reproductive Health, Personal Safety, Gender, Culture and Human Rights.

- Advertisement -

Ginpahayag ni Escullar nga indi pag-gulpihon ang pagtudlo sa mga kabataan kun sa diin may nagakaigo nga terminolohiya base sa ila level of awareness.

Iban sa mga ini ang nalakip na sa pila ka mga subjects kaangay na lamang sang Science, Araling Panlipunan, Edukasyon sa Pagpapakatao, Health, kag Personality Development.

Sa karon, may mga ginikinan kag mga estudyante nga hugot ang pagbaton sini, samtang madamo man ang may mga negatibo nga komento angot diri.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,180SubscribersSubscribe

Latest Articles