Tuesday, January 31, 2023

dinagyang Festival 2023, nangin madinalag-on

- Advertisement -

ILOILO CITY- Nangin maduagon kag madinalag-on ang paghiwat sang Dinagyang Festival 2023.

Ini matapos duha ka tuig nga wala makahiwat sang face-to-face dinagyang festival bangud sa COVID-19 pandemic.

Bangud sini, nagdugok ang linibo nga mga tumalan-aw lakip na ang mga national dignitaries kag mga foreigners nga nag-enjoy sa paglantaw sang mga performance sang Dinagyang tribes competition.

- Advertisement -

Walo ka mga tribu ang nagpasundayag kag nagpaindis-indis sa Dinagyang sa Kabarangayan tribes competition nga ginalakipan sang Tribu Ilonggohanon, kanyao, halimau, panaad, familia sagrada, parianon, sagasa, kag tribu molave.

Antis ang performance sang mga tribu, pormal ini nga ginbuksan ni Mayor Jerry Trenas nga nagpahayag nga daku niya nga bugal nga mangin isa ka Ilonggo sa pag-host sang pinakabantog nga festival sa pungsod kag bisan sa bilog nga kalibutan.

Samtang, magluwas sa walo ka competing tribes, nagpasundayag man ka naghatag sang dugang nga duag sa Dinagyang sa kabarangayan ang top 4 nga mga tribu sa Kasadyahan sa Kabanwahanan nga ginalakipan sang Tribu Madjaas  sang  Culasi, Antique; Tribu Jalaud sang Calinog, Iloilo; Tribu Pasalamat sang La Carlota City, Negros Occidental;  kag Tribu Haw-as  sang Dumangas, Iloilo.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles