Dispatcher sa Mohon Terminal, nagapanghakroy sa Local Transport Route Plan kag Jeepney modernization sang LTFRB-VI

ILOILO CITY— Naga-apelar si Jose Mario Edquilla, 59-anyos, tumandok sang Igbaras, Iloilo bangud isa siya sa mga ilabi nga naapektuhan sang Local Public Transport Route Plan sa probinsya sang Iloilo.

Sa interview sang Radyo Bandera Iloilo kay Edquilla ginkasubo sini ang paglain sang ruta padulong sa syudad nga mangin huol para sa ila nga mga dispatcher, drivers kag pila ka commuters nga naga byahe kada adlaw.

Nagalaum si Edquilla nga magataas ang presyo sang plete bangud sa siyam ka panibag-o nga ruta.

Nagapanghakroy man ang kooperatiba sang Southern Iloilo Perimeter Boundary Terminal ukon kilala nga Mohon Terminal bangud sa paglimita sa mga de pasahero nga jeep nga makasulod sa Iloilo City.