Distrito sang Lapuz may apat na ka nagluntad nga sunog nga narekord subong nga bulan sang Marso

Nagdangat na sa apat ka sunog ang narekord sa distrito sang Lapuz subong nga bulan sang Marso.

Ini ang base sa record sang Iloilo City Emergency Operations Center (OPCEN).

Marso 7 una nga nagluntad ang sunog sa Barangay Lapuz Norte sa diin P112,000 ang nangin kahalitan.

Ginsundan ini sang Marso 15 sa diin nasunog ang isa ka bodega sa Lapuz Sur.

Sang Marso 17 nagluntad naman ang sunog sa Barangay Jalandoni Estate sa diin 25 ka balay ang nagkalasunog.

Kahapon nga adlaw nagluntad naman ang sunog sa Rizal Lapuz Sur sa diin 12 tanan ka mga balay ang nagkalasunog.

Ginhatagan pagtamud ni Iloilo City Mayor Jerry Treñas nga nagapanguna nga rasun amu ang iligal nga koneksyon sang kuryente.