Saturday, August 20, 2022

Drayber kag hardinero dakop sa drug buy-bust operation sang RPDEU-6 sa distrito sang Molo

- Advertisement -

ILOILO CITY—Arestado ang drayber kag hardinero sa ginpatigayon nga drug buybust operation sang Regional Police Drug Enforcement Unit (RPDEU), sa ICAG road, Molo, alas 11:30 kagab-i Hunyo 26. –

Ang mga suspek amo sanday Mark Ulyses Montaño 37 anyos, isa ka hardinero, residente sang Brgy. Dulonan, Arevalo kag Anthony Amado 24 anyos, driver/pintor, residente sang East Timawa, Molo.

Sa interview sang Radyo Bandera Iloilo kay Police Lieutenant Colonel Antonio Benitez Jr., hepe sang RPDEU-6, ginpahayag sini nga masobra man isa ka bulan ang pagmonitor sa mga suspek antes ang madinalag-on nga operasyon.

- Advertisement -

Natigayon nga mabaklan sang confidential agent si Montaño sang isa ka sachet sang suspected shabu gamit ang drug buybust money nga P15,000, nakuhaan pa gid sang 15 ka sachet sang druga nga may kabug-aton tanan ginabanta 55 gramos kag estimated market value nga P374,000.

Ginakabig nga High Value Individual (HVI) ang mga nagkaladakpan.

Nakahunong na karon sa Molo PNP sanday Montaño kag Amado kag magapangatubang sang kaso sa paglapas sa RA. 9165 ukon ang Comprehensive Dangerous Drugs Act of 2002.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles