Drayber sang modernized jeep pabor nga buksan indi lang sa Dinagyang ang Ungka Flyover sa mga light vehicles

ILOILO CITY — Kasunod sang anunsyo sang Department of Public Works and Highway ukon DPWH nga buksan sa Dinagyang ang Ungka flyover, madamo sang nangin reaksyon ang mga Ilonggo.

Isa na diri si Francisco Pueda, Presidente sang Ungka Transport Operator Drivers Association sang ma-interview sang Radyo Bandera Iloilo.

Suno kay Pueda, pabor gid siya nga buksan ang Ungka flyover para sa mga light vehicle kag indi lang sa tion sang Dinagyang.

Dugang pa niya nga dako gid ang mabulig sang flyover sa mga estudyante kag naga-opisina kag subong man sa dalagan sang trapiko sa lugar.