Monday, December 5, 2022

DSWD, gin-review ang listahan sang mga 4Ps beneficiary

- Advertisement -

Padayon nga gina-review sang Department of Social Welfare and Development (DSWD) ang listahan sang kapin 1.3 million ka mga beneficiaries sang Pantawid Pamilyang Pilipino Program (4Ps) nga mahimo makakas sa nasambit nga programa.

Suno kay DSWD Secretary Erwin Tulfo, nagahulat pa ang ahensya sang pinal nga listahan sang 4Ps beneficiaries’ nga nakaboyalar sa mga kondisyon ukon kwalipikasyon nga nakasaad sa programa.

Dugang pa ni Tulfo, magahalin ang listahan sa link sang DSWD sa mga munisipalidad kag kabanwahanan sa bilog nga pungsod.

- Advertisement -

Sa ginpatigayon nga pagsinapol ni Sen. Tulfo kaupod kag pila ka mga mamalidha kag Samahan ng mga 4Ps beneficiaries, ginpahayag sini nga 30 tubtob 40 porsiyento sang kabug-usan nga 1.3 million ka mga gina-alegar nga indi kwalipikado nga benepisyaryo sang 4Ps ang mahimo makakas sa listahan.

Suno kay Tulfo, 187 na ka mga 4Ps beneficiaries ang boluntaryo nga ginpakuha ang ila pangalan sa listahan sang programa bangud naka-gradwar na ang ila mga anak.

Sa idalum sang nasambit nga programa, ang head sang pamilya ukon mag-asawa nga may kabug-usan nga manubo sa ₱12,000 nga income ang kwalipikado nga makakuha sang cash assistance sa idalum sang 4Ps.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles