DSWD, naglab-ot sa P3.6 million ang narelease nga pondo sa idalum sang livelihood assistance grant

ILOILO CITY — Naglab-ot sa P3,667,912 ang balor nga nahatag sang Department of Social Welfare and Development Region 6 sa idalum sang Livelihood Assistance Grant.

Sandig sa data sang ahensya, nagdangat sa 352 ka mga benepisaryo sang nasambit nga programa nagikan sa National Government ang nakabaton sang ayuda sa nagkalain-lain nga kabanwahanan sa probinsya sang Iloilo.

Ini ang ginalakipan sang banwa sang San Miguel nga may 50 beneficiaries, Dingle nga may 60, Banate nga may 58, Barotac Nuevo nga may 58, Ajuy nga may 66 kag Dueñas nga may 60 ka mga persona.

Nahibaluan nga ang amo nga programa ang isa ka ayuda sang gobyerno sa mga kwalipikado nga indibidwal nga naapektuhan sang pandemya nga nagakinahanglan sang bulig.