DTI-Iloilo, gin-athag nga nagadepende sa national government ang pagpaidalum sang price control

ILOILO CITY— Gin-athag sang Department of Trade and Industry (DTI)-Iloilo nga nagadepende sa national government ang pagpaidalum sang isa ka lugar sa price control.

Sa interview sang Radyo Bandera Iloilo kay Judith Degala, DTI-Iloilo Provincial Director, ginpahayag sini nga kinahanglan maintindihan sang mga pumuluyo nga indi makahatag sang pinal nga pahayag ang regional offices bangud maga-agi pa ini sa proseso.

Madumduman nga sang tinalikdan nga semana masobra isa ka milyon nga indibidwal ang apektado sang bagyo Agaton.

Nagpangabay ini sa mga negosyante nga hatagan sang nagakaigo nga bulig ang mga naapektuhan.