ILOILO CITY — Wala pa sang pahayag ang Department of Trade and Industry angot sa Seal of Legitimacy para sa mga naga-direct selling agud protektahan ang consumer’s rights.
Ini ang ginkumpirmar ni Judith Degala, Provincial Director sang DTI-Iloilo sa interview sang Radyo Bandera Iloilo.
Suno kay Degala, magasapol pa ini kaupod ang DTI-head office agud diskusyunan ang amo nga programa para malikawan ang indi pag-intindihanay sang ahensya kag mga magagmay nga negosyante kag agud maplastar kun ano ang tinutuyo sang nasambit nga programa bilang kabahin sang consumer’s rights.
Dugang pa sini, yara pa sa head office ang evaluation sang mga aplikante sa seal of legitimacy. Nahibaluan nga natalana nga magpapanaog ang talatapan sang mga pagsulundan may angot diri kag nagalaom si Degala nga maprotektahan kag mapasiguro ang publiko nga indi mabiktima sang pyramiding scams nga ginadumilian sa idalum sang Article 53 sang Consumer Act of the Philippines ukon Republic Act 7394.
