ILOILO CITY — Nagadinaguso ang mga pasahero sa Mohon Terminal kadungan sang pagpatuman sang Local Public Transport Route Plan (LPTRP) sa syudad sang Iloilo.
Sa interview sang Radyo Bandera Iloilo kay Iloilo City Councilor Lyndon Acap gina-ekspektar na nga magadamo ang volume sang mga pasahero sa una nga mga inadlaw sang pagpatuman sang LPTRP bangud sa terminal na lang magapondo ang tanan nga mga provincial jeepneys.
Sunu pa sa konsehal base sa iya obserbasyon mas maayo kun madugangan ang mga units sang City Loop Jeepneys nga pahanugutan sa pagbiyahe agud nga ma-cater sang maayo ang madamo nga numero sang mga tawo.
Dugang pa sang konsehal nga sa tion nga may yara sang bastante nga mga units sang jeepneys nga nagaguwa sulod sa terminal wala sang foot traffic kag wala sang pasahero nga ma-stranded.
