ILOILO CITY— Nakit-an na ang duha ka mag-utod nga menor de edad nga nadula sang tinalikdan nga Miyerkules, Hulyo 13, 2022.
Nahibaluan nga nag-report sa La Paz Police Station ang ginikanan sang duha sang tinalikdan nga Hulyo 14 nga nadula ang ila kabataan.
Naglapta pa ang impormasyon nga posible nga gin-abduct ang duha apang sa pag-tsekyar sang Iloilo City Police Office diri nakumpirmar nga wala sang abduction nga natabo sa mga biktima.
Sa ginpatigayon nga presscon sang La Paz Police Station sa pagpanguna ni Police Col. Leo Batiles, ICPO Director kag sa bulig man ni Police Major Jose Val, Ladublan, ang hepe sang La Paz Police Station kag Police Major Shiela Mae Sangrines, spokesperson sang ICPO, ginpahayag diri nga subong nga gab-e natigayon nga makit-an ang duha sa Deca Homes sa banwa sang Pavia.
Ginapahayag nga nagsunggod ang duha ka menor de edad sa ila nga mga ginikanan gani naglisensya ini nga mag walking asta nga wala na nakabalik sa ila nga puluy-an.
Hilway naman ang sitwasyon sang duha sang naabtan sa ila ginarentahan nga balay.
Gin-athag sang Iloilo City Police Station nga “Fake news” kag wala sang natabo nga abduction sa duha ka mag-utod.
Nagpanawagan naman ang ila amay kag iloy sa iban pa nga ginikanan nga pamatian ang ila kabataan kag palanggaon ang mga ini agud malikawan ang amo nga insidente.
