Friday, October 7, 2022

Duha ka barangay sa syudad sang Iloilo, nangin prayoridad sang kapulisan agud matapna ang mga illegal nga aktibidad

- Advertisement -

Nangin prayoridad sang Iloilo City Police Office ang duha ka mga barangay sa syudad sang Iloilo bangud sa report nga presensya sang mga illegal nga aktibidad.

Sa interview sang Radyo Bandera Iloilo kay PMaj. Sheila Mae Sangrines, Station Commander sang Iloilo City Police Station 1 (City Proper) kag Spokesperson sang Iloilo City Police Office, iya ginpahayag nga nangin prayoridad ang Brgy. Tanza Esperanza, City Proper kag Brgy. Bakhaw, Mandurriao sa pagpahamtang sang presensya sang mga kapulisan bangud sa ginareport nga mga illegal nga aktibidad kag krimen sa nasambit nga lugar.

Suno kay Sangrines, nagpasa sang formal letter request ang mga nasambit nga barangay agud nga mahatagan sang katawhayan kag kalinungan ang ila barangay.

- Advertisement -

Nagsugod ang deployment sang mga kapulisan sang Agosto 5, Biyernes nga adlaw kaupod ang mga BADAC members kag mga Barangay Officials.

Sa karun, wala pa man may mahatag nga statistics ang kapulisan natuhoy sa record sang illegal nga druga sa mga nasambit nga barangay.

Nahibaluan nga ang mga kilala nga drug personalities ang nadakpan sa nasambit nga lugar.

- Advertisement -

Nagahingyu man ang mga kapulisan nga mag kooperar ang mga pumuluyo agud tapnaon ang mga illegal nga aktibidad.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,030SubscribersSubscribe

Latest Articles