ILOILO CITY— Dead-on-arrival nga gindala sa Miagao first aid clinic kahapon, Abril 5, 2022 ang 37-anyos nga lalaki nga nagbitay sang iya kaugalingon sa sulod sang ila kamalig sa Barangay Lumangan, Miagao, Iloilo.
Samtang, patay man sang gindala sa Calinog District Hospital ang 48-anyos nga lalaki nga residente sang Barangay Badlan Pequeño, Calinog, Iloilo, nasapwan ini nga nagbitay sa iya kaugalingon sa sulod sang iya nga puluy-an.
Ang nasambit nga mga persona ang ika-28 kag 29 na nga na-record sang Iloilo Police Provincial Office sa insidente sang paghikog sa subong nga tuig.
Ang Pag-ulikid Desk sang kada Municipal Police Station ang handa gid nga maghatag laygay kag bulig sa inyo nga mga himata nga naga-suprer sang depresyon kag may sintoma sang suicide.
