Monday, August 8, 2022

Duha ka menor-de-edad nga sakay sa motorsiklo, patay matapos mag-overtake sa Ceres bus kag makabunggo sa sugata nga isa ka salakyan sa Anilao, Iloilo

- Advertisement -

ILOILO CITY — Patay ang duha ka menor-de-edad nga sakay sa motorsiklo matapos mag-overtake sa isa ka Ceres bus kag makabunggo sa sugata nga isa ka Nissan nga salakyan sa Sitio Calubihan, Brgy. Serallo, Anilao, Iloilo kagab-i.

Ginkilala ang mga biktima nga sanday Jerome Lee Manto kag EJ Ventolero lunsay 16-anyos ang mga edad kag pareho man nga residente sang Brgy. Badiang sa amo man nga banwa samtang ang driver naman sang Nissan nga salakyan amo si Adonis Puerin nga taga San Rafael, Iloilo.

Ginkilala naman ang driver sang bus nga si Richard Caballeros nga may siyam ka bilog nga pasahero.

- Advertisement -

Sa interview sang Radyo Bandera kay PSSgt. Rechie Britania, imbestigador sang Anilao Municipal Police Station, iya ginpahayag nga halin sa isa ka fiesta sa isa ka barangay ang mga biktima.

Dugang pa ni Britania nga madasig ang padalagan sang mga menor de edad kag wala sang suga ang ila nga motorsiklo kag lunsay man wala nagasuksok sang helmet.

Nagtabog pa ang isa ka biktima sa kilid sang bus.

- Advertisement -

Dead-on-the-spot si Manto samtang gindala pa si Ventolero sa ospital apang ginbawian man ini sang kabuhi. Sa subong, yara pa sa kustodiya sang Anilao MPS ang mga driver sang Nissan kag sang bus para sa nagakaigo nga disposisyon.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
896SubscribersSubscribe
- Advertisement -

Latest Articles