Tuesday, October 4, 2022

Duha ka mga area sa barangay Bakhaw, Mandurriao ginapadulungan sang mga ‘unfamiliar individuals’

- Advertisement -

ILOILO CITY — Ginkumpirmar ni Bakhaw, Mandurriao Punong Barangay Joel Alvarado nga duha ka mga area sa ila lugar ang padayon nga ginamonitor sang mga pulis kag sang barangay officials nga ginapadulungan sang mga ‘unfamiliar individuals.’

Madumduman nga nagpangayo sang police assistance si Alvarado matapos sang pila ka report nga may mga ‘unfamiliar individuals’ nga nagagwa-sulod sa ila barangay ilabi na kun gab-i kag kaagahon.

Sa exclusive interview sang Radyo Bandera Iloilo sa punong barangay, nagapasalamat ini nga nagtahaw-tahaw na kag wala na sang may naobserbahan nga mga indi pamilyar nga tawo nga nagasulod sa barangay.

- Advertisement -

Suno kay Alvarado, padayon nila karon nga ginamonitor ang duha ka mga area nga nareport nga ginakadtuan sang mga ini.

Nahibaluan nga may yara sang apat ka mga entry kag exit point nga ginpahamtangan sang tag-tatlo ka mga pulis nga nagaduty 24/7 kag naga-relyibo kada alas-7:00 sa aga, ini amo ang: entrance sang barangay, steel bridge pakadto sa Barangay San Vicente-Robinson’s Mall Jaro; foot bridge sa Barangay Desamparados, kag boundary sang Barangay Bakhaw kag Barangay Bolilao.

Ginpasiguro naman ni Alvarado nga indi na sini pagtugutan pa nga may makabalik nga mga tawo sa ila barangay nga mag-obra sang iligal nga aktibidad.

- Advertisement -

Madumduman nga ulihi nga may ginpatigayon nga buybust operation sa ila lugar sang tuig 2019 pa, kag nahatagan man sila sang certification gikan sa Philippine Drug Enforcement Agency (PDEA).

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,020SubscribersSubscribe

Latest Articles