Wednesday, August 17, 2022

Duha ka mga persona, dakop sa drug buybust operation sang La Paz PNP

- Advertisement -

ILOILO CITY — Dakop ang duha ka mga persona sa ginpatigayon nga drug buybust operation sang Station Drug Enforcement Team 2 (SDET-2), La Paz PNP sa Zone 1, Brgy. Baldoza, La Paz, las 2:00 kaina sang hapon, Mayo 20.

Ang mga arestado ang ginkilala kanday Bernie “Nonoy” Young, 32-anyos kag Jay Oñadia, 40-anyos kag lunsay residente sang nasambit nga lugar.

Sa interview sang Radyo Bandera Iloilo kay Police Major Jose Val Ladublan, hepe sang La Paz PNP, ginpahayag sini nga masobra man sa duha ka semana ang monitoring sa mga subject person antes pa man ang madinalag-on nga operasyon.

- Advertisement -

Natigayon nga mabaklan ang mga subject person sang isa ka medium size sachet sang suspected shabu gamit ang drug buybust money nga P12,100, kag nakuha pa gid sa paghinakop ni Young nga nasulod sa iya kahita ang isa ka big size sachet sang druga nga nagabug-at sang 7.5 grams ang kag may total market value nga P50,000.

Dugang pa nga mga recoveries amo ang dotted notebook nga gamay kag may lista sang mga transaksyon sa iligal drug trade, duha ka lighter kag kahita.

Pahayag pa sang hepe, ginadeliver mismo sa balay ang ginabaligya sang mga suspek.

- Advertisement -

Nahibaluan nga si Onadia ang nadakpan na sadtong tuig 2016 sa pagbaligya sang iligal nga druga kag nakagwa ini sang tuig 2021. Yara na karon sa paghinakop sang La Paz PNP kanday Young kag Oñadia kag magapangatubang sang kaso nga paglapas sa RA 9165 ukon ang Comprehensive Dangerous Drugs Act of 2002.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles