Thursday, December 8, 2022

Duha patay, isa pilason matapos nga makabunggo ang ginasakyan nga motorsiklo sa poste sang streetlight sa Ungka I, Pavia

- Advertisement -

ILOILO CITY – Dead-on-arrival ang drayber sang motorsiklo nga si Marion Grace Segonia, 51-anyos kag residente sang Barangay Bito-on, Jaro kag isa sa duha ka mga angkas sini nga si Netale Gardose, 20-anyos kag residente sa banwa sang Calinog matapos makabunggo sa poste sang streetlight sa Ungka I, Pavia, alas-2:45 kaina sang kaagahon, Setyembre 26.

Maswerte naman nga nakaluwas si Ma. Charmaine Oridena, 18-anyos kag residente sang Barangay Buntatala, Jaro.

Ini ang ginkumpirmar ni Police Major Rolando Araño, hepe sang Pavia Municipal Police Station sa interview sang Radyo Bandera Iloilo.

- Advertisement -

Suno kay Araño, madasig ang pagpadalagan sang motorsiklo halin sa Iloilo City padulong sa banwa sang Calinog, apang pag-abot sa Ungka I, gulpi nga nagliko patuo ang motorsiklo kag nabunggo sa poste sang streetlight.

Naka-agum sang head injury ang mga biktima kag pilas sa nagkalain-lain nga parte sang lawas.

Base sa imbestigasyon sang Pavia MPS, wala sang helmet ang tatlo kag tama pa ka dasig ang ila pagpadalagan. Sa karon, ginabulong sa Western Visayas Medical Center si Oridena.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles