Ginasigurado sang Economic Enterprise and Management Office nga ang karne nga ginabaligya sa merkado sa syudad sang Passi ang locally produced ukon halin mismo sa nasambit nga lugar kag indi halin sa iban nga banwa.
Ini ang pahayag ni Mr. John Arthur Palma, City Department Head sang Economic Enterprise and Management Office sa nasambit nga lugar.
Suno pa kay Palma, ginalista ang tanan nga ginapang-ihaw sang baboy sa slaughter house kag ginapasa ini sa manugbaligya sa merkado.
Gina-tsekyar man sang nasambit nga talatapan kun verified ang mga persona nga naga-ihaw sa nasambit nga mga slaughter houses.
Dugang pa ni Palma, indi kinahanglan nga magkahangawa ang publiko bangud safe ini kag wala sang presenya sang African Swine Fever (ASF).
Nahibaluan nga nangin negatibo sa ASF ang resulta sang 200 blood sample test sang baboy sa nasambit nga syudad.
