Ginalauman nga magalawig pa sang lima ka tuig ang expansion sang MORE Electric and Power Company (MORE Power) sa pila ka mga kabanwahanan sa probinsya sang Iloilo kasunod sang pag-apruba sa RA 11918.
Sa interview sang Radyo Bandera Iloilo kay Mr. Roel C. Castro, kinanahanglan pa magkoordinar sang MORE Power sa mga Local Government Unit sang mga kabanwahanan nga masakop sang expansion.
Magapatukod man ini sang sub-station ilabi na sa Passi City kag posible nga maglab-ot sa lima ka tuig ang pagpatakod sang mga transmission lines sa mga nasakupan nga kabanwahanan.
Nahibaluan nga nalakip sa expansion sang kompanya ang mga masunod nga kabanwahan: Dueñas, Dumangas, San Enrique, Alimodian, Leganes, Leon, New Lucena, Pavia, San Miguel, Santa Barbara, Zarraga, Anilao, Banate, Barotac Nuevo, Dingle, kag Passi City.
Samtang, mahimo sa gihapon makapili ang mga konsumidor kun ano nga electric company ang ila pagapili-on bangud magapabilin sa gihapon ang ILECO.
