ILOILO CITY — Masobra ang deklarasyon sang F&C Pawnshop and Jewelry sa mga nakawat nga alahas sa ila branch sa Gaisano mall Balasan matapos ginransak sang Lunes sang kaagahon, Disyembre 5, 2022.
Ini ang pahayag ni Police Lieutenant Alexander Lauron, hepe sang Balasan Municipal Police Station sa interview sang Radyo Bandera Iloilo.
Suno kay Lauron, iya ginpatawag kahapon, Disyembre 6 ang manager sang pawnshop kag gin-usisa nahanungod kun pila gid ang nakuha kag didto nagpresenta sang inventory sang Disyembre 3 sa diin masobra lang P3 million ang balor sang ila stocks.
Pahayag pa sang hepe nga siya mismo natingala sa una nga deklarasyon sang F&C rason nga ginpangayu-an niya ini sang kopya.
Sa karon nagapadayon pa ang ila imbestigasyon kag may yara sila sang kapin anum ka mga suspek nga ginasunod.