Thursday, December 8, 2022

Fire Safety Tips, ginpakigbahin ni FCSupt. Jerry Candido para sa ihibalo sang publiko

- Advertisement -

Ginpakigbahin ni Fire Chief Superintendent Jerry Candido, Regional Director sang Bureau of Fire Protection- Region VI ang mga safety tips agud nga malikawan ang sunog sa panimalay.

Ini kasunod sang sunog nga nagluntad sa banwa sang Dumangas kon sa diin duha ka bata ang napatay sa sulod sang ila balay.

Sa exclusive interview sang Radyo Bandera Iloilo kay FCSupt. Candido, tatlo ka tips ang ginhatag sini: una, dapat may yara kita sang ‘fire consciousness ’ sa diin makapahanumdom sa aton sang dapat himuon agud malikawan ang sunog ilabi na ang mga simple nga bagay kaangay sang pagkakas sang saksakan sang mga appliances, magpatay sang main switch ukon gas stove ukon ano man nga ginahalinan sang kalayo.

- Advertisement -

Dugang pa diri, kinahanglan nga i practice ang ‘fire exit drills’ sa panimalay agud nga madula ang kakulba kag mangin alerto pananglitan magluntad ang sunog.

Suno pa kay FCSupt. Candido, kon mahimo magbakal kag mag- install sang fire alarm nga maka detect sang kainit sang kalayo agud nga makapangaman kita sa pagluntad sang sunog.

Ginpaathag man ni Candido nga indi sa kalayo nagakapatay ang biktima kundi sa aso ilabi na kun closed space bangud ang nagapug-ok nga aso amo ang carbon monoxide nagapatulog sa aton rason nga indi makapalagyo sa kalayo.

- Advertisement -

Samtang, nagalaum ang opisyal nga ikabuhi sang mga pumuluyo ang mga fire safety tips agud malikawan ang mga insidente sang sunog.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles