ILOILO CITY— Isa sa mga mayor nga solusyon nga nakit-an ni DOH Secretary, Congresswoman Janet Garin sa pagsolbar sang kaso sang Dengue amo ang pagbalik sang pag-usar sang Dengvaxia vaccines.
Sa interview sang Radyo Bandera Iloilo kay Congresswoman Garin, gin-athag sini nga importante ang public health awareness sang mga pumuluyo natuhoy sa signs kag sintoma sang isa ka indibidwal nga naka-angkon sang dengue fever.
Kun maka eksperyensiya sang naga balik-balik nga hilanat, pagdugo sang ilong, pagsululuka, rashes, diarrhea, muscle kag joint pain gilayon ini nga i-report sa pinakamalapit nga District Health Center.
Makagarantiya man si Cong. Garin nga wala pa sang indibidwal nga nagtaliwan matapos ginbakunahan sang dengvaxia vaccines.
Magluwas diri gina panan-aw man ni Cong. Garin nga magasunod ang pungsod Pilipinas sa 3 ka nasyon a luwas sang pungsod nga maga-usar sang bakuna kontra dengue.
Dugang pa niya tani hatagan sang daku nga igtalupangod sang Department of Health ang alarming nga pagsaka sang dengue cases kag ikonsidera ang pag-usar sang dengvaxia.
Nahibaluan nga kalabanan sa mga nagtaliwan bangud sa dengue kag dengue hemorrhagic fever ang naga-edad 45 kag pataas, bangud sa kagat sang eades aegypti mosquito.
