Fuel subsidy sang mga mangingisda sa Western Visayas natalana nga i-release sa Hunyo 3 kag 4

ILOILO CITY — Natalana nga i-release ang fuel subsidy sa mga mangingisda sa Western Visayas sa Hunyo 3 kag 4 suno sa Bureau of Fisheries and Aquatic Resources Region 6.

Ini ang ginkumpirmar ni BFAR- 6 director Remia Appari sa interview sang Radyo Bandera Iloilo.

Suno pa kay Appari, ginkasugtan sang regional offices kag central office nga dapat multi-purpose ang fuel subsidy card sang mga ini kag indi one-time use lang.

Dugang pa sini, ginapreparar na sang ahensya ang mga dokyumento agud malikawan ang madamo nga delay sa releasing sang nasambit nga programa.