German Vlogger, gindayaw ang pinasahi nga pagselebrar sang Dinagyang Tribe Competition

Gindayaw sang isa ka sikat nga German vlogger, sa diin na-amaze kag speechless ini sang nasaksihan ang Dinagyang Tribe Competition.

Ini ang pahayag ni Pascal Sekulic,German vlogger sa interview sang Radyo Bandera Iloilo.

Suno pa kay Sekulic, luyag man niya imbitaron ang iban nga mga Germans nga magpadulong sa Iloilo City agud nga mag-hilinugyaw kag magsinadya sa madinuagon nga Dinagyang Festival.

Dugang pa ni Sekulic, ini ang iya una nga kahigayunan nga maka- eksperyensahan sang world class nga performances sang walo ka mga tribu nga nagpasakop sa Ati-Ati Tribe Competition.

Gindayaw man sini ang mainit nga pag-abi abi kag pagpakig-abyan sang mga Ilonggo.