Ginakalangkagan naman sang Department of Education (Dep Ed) Region 6 ang paghiwat sang Western Visayas Regional Athletic Association (WVRAA) agud pilion ang maga-representar sang rehiyon sa Palarong Pambansa nga pagahiwaton sa Marikina.
Sa interview sang Radyo Bandera Iloilo kay Mr. Hernani Escullar Jr., taghambal sang DepED 6, ginpahayag sini nga permi nadala sa Top 3 ang Western Visayas sa Palaro nga nagapamatuod nga ang rehiyon ang makabig ‘home of the champions’.
Dugang pa ni Escullar , suportado nila ang mga atleta halin sa mga t-shirts, mga uniforms, pagkaon kag iban pa nga kinahanglan sa tion nga yara na sila sa ila tagsa ka billeting area para sa WVRAA.
Nagpasalig man ini nga mangin hugot sila sa seguridad sa mga atleta kag padayon sa karon ang koordinasyon sa mga law enforcement agencies sang Aklan para sa matawhay kag masadya nga hinampang
