ILOILO CITY — Ginpirmahan ni Iloilo Governor Arthur Defensor Jr. ang executive order para sa ika-36 nga anibersaryo sang EDSA People Power Revolution sa Pebrero 25 kadungan sang flag-raising ceremony kaina sang aga.
Sa interview sang Radyo Bandera Iloilo, ginpahayag ni Defensor nga ini ang pagkilala sang malinong nga rebolusyon sang mga Pilipino sadtung tuig 1986.
Suno sa gobernador, ang nasambit nga komemorasyon ang kasunod sang ginpagwa nga memorandum circular sang Department of Interior and Local Governnment (DILG) agud ipahanumdom sa publiko ang kadalag-an batok sa Marcos administration sadto.
Nahibaluan nga ang amo nga adlaw ang isa man ka special non-working holiday. Ang 36th EDSA People Power Revolution ang may tema “Pagtutulungan tungo sa sama-samang pagbangon mula sa pandemya.”
