Saturday, August 20, 2022

Gov. Defensor nagpagwa sang bag-o nga pagsulundan kadungan sa pagpaidalom sa probinsya sang Iloilo sa alert level 2 status

- Advertisement -

ILOILO CITY — Ginpirmahan na ni Gov. Arthur Defensor Jr. ang Executive Order No. 175 sa pagpaidalum sa Alert Level 2 sa bug-os nga probinsya sang Iloilo epektibo Marso 1 tubtob 15.

Nakasaad sa amo nga EO nga ang mga fully-vaccinated nga mga indibidwal, mahimu lang nga mag presenta sang  COVID-19 vaccination certificate sa pagpadulong sa Iloilo province.

Samtang sa mga wala pa nakapabakuna ukon indi pa fully vaccinated nga mga indibidwal mahimu magpakita sang negative RT-PCR test result 72 ka oras antes ang pagbyahe.

- Advertisement -

Ang pag gamit sang S-Pass ang rekisito sa gihapon para sa mga inbound travelers nga maga padulong sa Western Visayas.

Ginkalipay naman ni Defensor ang liwat nga pagbalik sang mga inbound flights padulong Manila-Iloilo nga yraa sa 84 flights kada semana samtang siyam ka flights naman kada semana ang Cebu-Iloilo, Davao City-Iloilo kag General Santos-Iloilo nga ruta.

Para naman sa mga high risk nga mga establisyemento kag aktibidad ginapahanugutan nga maka-operate sang 50% maximum capacity para sa mga indoor venue kag 70% para sa outdoor venue capacity.

- Advertisement -

Balik operasyon naman ang mga bulungan sa idalum sang DILG Memorandum Circular No. 2022-003 kag dapat 50% venue capacity lang kag fully vaccinated ang mga indibidwal.

Ginadumilian naman ang pagbukas sang mga casinos, horse racing, lotohan, sugalan kag iban pa nga mga gaming establishments.

Mahimu mag operate ang mga government offices indi magnubo sa 80% on-site workforce.

- Advertisement -

Ginpahanugutan man ang pagpatigayon sang limited face-to-face or in-person classes sa mga buluthuan apang dapat yara lang sa 50% indoor venue capacity para sa mga fully vaccinated nga mga estudyante kag 70% outdoor venue capacity.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles