Governor Arthur Defensor Jr. nagpangabay nga sundon ang pagsulundan sang COMELEC angut sa pagpangampanya

ILOILO CITY— Nagpangabay si Governor Arthur Defensor Jr. nga sundon ang pagsulundan sang COMELEC angot sa pagpangkampya.

Sa interview sang Radyo Bandera Iloilo Kay Governor Arthur Defensor Jr. Gobernador sang probinsya sang Iloillo, ginpahayag sini nga madamu sang campaign materials ang wala ginatapik sa husto kag insakto nga lugar.

Dugang pa sini, makapamaayo nga sundon kag ipatuman sang sakto ang guidelines sang Commission on Elections angut sa isyu.

Suno kay Defensor, magapangatubang sang nagakaigo nga penalidad ang sin-o man nga maglapas diri.

Nagpasalig man ini nga tinguhaan sang provincial government nga i-monitor ang mga politiko sa probinsya nga naglapas sa mandu agud nga mahatagan sang nagakaigo nga tikang.