Grupo sang mga kabataan sa syudad sang Iloilo, nagrambul sa Pala-Pala 1, City Proper

ILOILO CITY— Nagalinapta ang buka nga botelya sa dalan sang Rizal Pala-Pala 1, matapos nagrambul kag naghabuyanay sang botelya ang mga grupo sang mga kabataan nga lunsay menor de edad.

Sa interview sang Radyo Bandera Iloilo kay Milagros Agad Brgy. Kagawad sang Pala-Pala-1, ginpahayag sini nga ang mga grupo sang mga kabatan ang naghalin sa Estanzuela, Pala-pala 2, Calumpang kag Calaparan.

Dugang pa sang kagawad may mga kutsilyo sila nga dala kag lunsay nakainom.
Sang nag-abot ang mga kapulisan sang ICPO, gulpiyada nga nagpalagyo ang mga ini apang nadakapan ang apat ka menor de edad.

Mismo ang mga pulis pa ang nagsilhig sang mga nagkalabuka nga mga botelya sa dalan.
Ginatinguhaan pa subong kun ano ang rasun sang nagluntad nga rambul.