GSAA meet sa probinsya sang Guimaras, nag-umpisa na

Pormal na nga ginbuksan ang Guimaras Schools Athletic Association (GSAA Meet) kahapon nga adlaw, Marso 15.

Ang opening ceremony ang gintambongan sang mga atleta, coaches nga gikan sa nagkalain-lain nga pribado ka pampubliko nga eskwelahan.

Gin-pangunahan naman ni Dr. Ernesto Servillon, Jr., Schools Division Superintendent, Department of Education – Guimaras ang pagbukas sang hinampang sa Buenavista Municipal Auditorium.

Nahibaluan nga tinutuyo sang nasambit nga kahiwatan amo ang mahanas ang talento sang mga kabataan sa patag sang sports, kag diri man paga-basehan kun sin-o ang mga mangin tiglawas sang Guimaras sa palaabuton nga Western Visayas Regional Athletic Association (WVRAA) meet.