ILOILO CITY— Ginlatag ni Guimaras Vice Governor John Edward Gando ang listahan sang mapadalagan sa ila nga partido sa palaabuton nga 2022 elections.
Sa interview sang Radyo Bandera Iloilo kay Vice Governor John Edward Gando sa programa nga Bandera Balita sa Umaga kaupod si Kabanderang Ted Aujero Francia, ginpahayag sini mapare-elect siya sa iya nga last term sa pagka bise-gobernador sang probinsya samtang magapadalagan naman sa pagkagobernador si former Congressman Raman Nava kag magapare-elect naman si Congressman Ma. Lucille Nava.
Suno pa kay Atty. Gando, nagmayuhay na ang mag-utod nga si fomer Governor Nene Nava kag former Congressman Raman Nava kag maupod na ang duha ka mag-utod sa isa ka partido sa diin magapadalagan nga Provincial Board Member sa 1st district sang probinsya si Nene Nava.
Si incumbent Mayor Samuel Gumarin naman ang magapadalagan nga alkalde sa banwa sang Buenavista.
Magafile subong nga adlaw sang ila certificate of candidacy (COC) ang partido ni Atty. Gando kag sila ang yara sa idalum sang PDP-Laban kag regional party nga Uswag Ilonggo.
