ILOILO CITY— Nangin matawhay ang pag-implementar sang gun ban nga gin mandu sang Philippine National Police National Headquarters
Sa interview sang Radyo Bandera Iloilo kay PLt.Col. Arnel Solis, tagpamaba sang Police Regional Office VI, ginpahayag sini nga sang tinalikdan nga Setyembre 30 kag magatapos sa Oktubre 9 las 7:00 sang aga. Kag nangin matawhay ang duha ka adlaw sang pagsugod sang filing sang certificate of candidacy.
Suno kay Solis, sa ginpatigayon nga nga random checkpoints sang mga kapulisan wala sang may na report nga mga insidenti sa pag lapas sa mandu sang otoridad nga mag implementar sang gun ban.
Sa karun, padayon ang hugot kag strikto nga pagpatuman sang na sambit nga mandu agud indi mangin tunaan sang harassment sa mga nagasumiter sang COC para sa palaabuton nga 2022 national kag lokal eleksyon.
