ILOILO CITY — Ginakabig nga persons of interest sang Balasan Municipal Police Station ang mga gwardya, Mall Manager kag mga construction workers matapos ginransak ang Gaisano Balasan.
Ini ang pahayag ni Police Lieutenant Alexander Lauron, hepe sang Balasan Municipal Police Station.
Suno kay Lauron nga ang mga persons of interest ang yara sa mall sang ginransak ini.
Dugang pa niya nga may yara pa gid sila sang grupo nga ginamonitor sa karon nga posible nagsulod sa mall.
Nahibaluan nga ang Gaisano Balasan ang ginsulod sang mga kawatan Lunes sang kaagahon, Disyembre 5, 2022 sa diin nataban ang masobra P5 million nga balor sang mga alahas kag cellphone.
Sa karon, padayon pa ang ila imbestigasyon sa amu nga insidente.
Ginapahayag nga wala sang CCTV ang mall sa likod nga porsyon sa diin nagsulod ang mga kawatan kag guba naman ang sa sulod nga bahin sang mall.
