VIA: MELMAR DELA CRUZ
Naglab-ot man sa P1.3 million ang halit nga ginbilin sang sunog sa Kalye 3, Barangay Jalandoni Estate, Lapus sang Biernes, Marso 16.
Ini ang base pinaka-ulihi nga pahayag ni FO3 John Anthony Triveles, investigator on case sang Iloilo City Fire station sa interview sang Radyo Bandera Iloilo.
Nadumduman nga pasado las 12 sang udto sang Biyernes, Marso 16 sang ginlamon sang kalayo ang halos 18 ka pamalay sa Calle 3, Jalandoni kun sa diin 45 ka pamilya ang apektado ukon nagalab-ot sa 177 ka mga indibidwal.
Suno sa updated report sang Bureau of Fire Protection, 14 tanan ka balay ang totally damage kag apat ang partially damage.
Sa karon nagaserbe ang Jalandoni Elementary School bilang evacuation Center sang mga residente nga biktima sang sunog.
Samtang padayon pa sa gihapon nga gina imbestigaran sang katapo sang BFP ang ginhalinan samg amo nga sunog.
