Wednesday, November 30, 2022

High value target, dakop sa drug buybust operation sang PDEA-6 kag ICPS 1

- Advertisement -

ILOILO CITY — Dakop ang high value target (HVT) sa ginpatigayon nga drug buybust operation sang Philippine Drug Enforcement Agency 6 (PDEA-6) kag Iloilo City Police Station  1 (ICPS1) sa Zone 2, Brgy. Tanza-Timawa, City Proper, las 2:35 subong nga hapon.

Ginkilala ang suspek kay Reynel Detoyato, 48-anyos kag residente sang Brgy. Rizal Pala-pala, Zone ll, City Proper.

Sa interview sang Radyo Bandera Iloilo kay Investigation Agent 1(IA1) Johnny Boy Ybañez,  Iloilo Provincial Officer sang PDEA-6, ginpahayag sini nga masobra man sa isa ka bulan ang monitoring kay Detoyato antes pa man ang madinalag-on nga operasyon.

- Advertisement -

Dugang pa ni Ybañez, ang subject person ang nadakpan man sadtong tuig 2014 sa isa ka drug den sa distrito sang Mandurriao.

Natigayon nga mabaklan sang confidential agent ang suspek sang isa ka transparent plastic sachet sang suspected shabu gamit ang P5,000 nga drug buybust money.

Narekober pa gid sa paghinakop sini ang dugang nga lima ka mga sachet sang iligal nga droga nga ginabanta nagabug-at sang 10 gramos kag nagabalor sang P70,000.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,180SubscribersSubscribe

Latest Articles