ILOILO CITY— Aprobado na ni 4th District Senior Board Member Rolando Distura ang hingyo sang Office of the Civil Defense (OCD)-VI nga pangunahan ang Regional Risk Reduction Summit sa probinsya sang Iloilo.
Nahibaluan nga ang resolusyon ang ginpangalanan nga “A Resolution Strongly Urging the Office of Civil Defense Region 6 to Initiate and/or Spearhead a Regional Risk Reduction Summit.”
Madamo sang mga local government unit sa probinsya sang Iloilo ang naapektuhan sang bagyo Agaton nga nagtuga sang landslides kag pagbaha sa bahin sang Visayas kag Mindanao.
Nagbilin man ini sang kahalitan sa imprastaktura, panimalay, pananum kag mga palangabuhian sang mga pumuluyo.
Ini ang nangin rasun sang pagbalay kag pag-update sang bag-o nga comprehensive land use plan nga maga-focus sa pagtumod sang mga lugar nga madasig iguon sang kalamidad kag climate change.
Tinutuyo man sini nga mapasiguro ang ‘safety, sustainability kag resiliency’ sang human settlements kag developments, samtang gina-maximize ang potensyal sang natural resources nga may pagtalupangod sa disaster mitigation.
